192
Поради лошите резултати ВБА реши да му врачи отказ на Славен Билиќ. Одлуката била донесена пред вчерашниот дуел против Манчестер Сити, а ремито против силниот противник не го предомислило раководството на клубот.
„Вест Бромвич денеска се раздели со тренерот Славен Билиќ и неговиот стручен штаб“, се вели во соопштението на ВБА кој му се заблагодарија и му посакаа добра иднина на хрватскиот стратег.
Се очекува наскоро ВБА да соопшти дека Сем Алардајс ќе биде нивниот нов тренер.
Од 13 одиграни натпревари ВБА освои само седум бода и во моментов е на претпоследното место во Премиерлигата.