Капитенот на Реал Мадрид, Дани Карвахал, по 23 години во клубот од кои 13 во првиот тим си заминува од „кралскиот клуб“.
Во прошталната порака до Карвахал, клубот го опиша како една од најголемите легенди во својата историја и во светскиот фудбал. Тој е меѓу ретките играчи кои освоиле шест титули европски шампион, а беше дел од генерацијата што го одбележа еден од најуспешните периоди на клубот.
Карвахал во Мадрид пристигна во 2002 година и помина вкупно 23 сезони во клубот, десет во младинската школа и 13 во првиот тим. Во тој период освои 27 трофеи, меѓу кои шест европски титули, шест светски клупски првенства, пет европски суперкупа, четири титули во Ла Лига, два Купа на Шпанија и четири Суперкупа на Шпанија.
Од него се прости и претседателот на клубот, Флорентино Перез, кој ја нагласи неговата важност за Реал Мадрид.
„Дани Карвахал е легенда и симбол на Реал Мадрид и на нашата младинска школа. Неговата фотографија со нашиот сакан и незаборавен Алфредо засекогаш ќе остане во срцата на сите навивачи и во историјата на клубот. Карвахал секогаш ги претставуваше вредностите на Реал Мадрид. Ова е и секогаш ќе биде негов дом“, изјави Перез.
🚨 Florentino Pérez: “Dani Carvajal is a legend and a symbol of Real Madrid and its youth academy.
— Madrid Xtra (@MadridXtra) May 18, 2026
His image alongside our beloved and unforgettable Alfredo Di Stéfano laying the foundation stone of Real Madrid City will forever remain in the hearts of all Madridistas and in… pic.twitter.com/bzR1ywNmaE