Одегард: Уште од првиот ден во Арсенал се чувствувам како дома

Арсенал со 3-1 го победи Олимпијакос на негов терен, топчиите речиси и го обезбедија пласманот во четвртфиналето од Лига Европа.

На овој меч Мартин Одегард го постигна својот деби гол.

„Ова е голема победа за нас, одличен резултат со три гола на гостински терен и победа. Таква победа во ова натпреварување е секогаш добра“, вели Одегард.

„Уште од првиот ден се чувствувам како дома, среќен сум што сум тука, одлично ми е“.