Њукасл му ветува богатство на Дембеле за да ја одбие Барса и да се пресели на Сент Џејмс Парк

Осман Дембеле ги одработува последните месеци од договорот со Барса, преговори се водат подолго време, но нема абер за продолжување на соработката.

Медиумите од Франција сега пренесуваат дека Њукасл им ги мати плановите на „каталонците“ да го задржат напаѓачот.

Како што пренесува „ФутМеркато“, Њукасл му ветува богатство на Осман Дембеле за да ја одбие Барселона и беспари да се пресели на Сент Џејмс Парк. Новите сопственици го примамуваат Французинот со годишна плата од 15 милиони евра, како и бонус од 15 милиони евра за потпис на договорот.