Палермо е во
сериозна криза, Сицилијанците од поодамна се во криза, но, не како оваа која
настана откако еден лажен брокер со бугарска компанија за осигурување требаше
да гарантира финансиска безбедност.
Од Палермо
признаа дека биле измамени од лажниот брокер, а Сицилијанците не успеаа
навремено да се регистрираат за идната сезона, од куќата на фудбалот на Италија
посочија дека правилата важат за сите, па така и за Палермо кој ќе мора да
почне се’ од почеток, и тоа
во Серија Б.
Таквата ситуација
сигурно ги натераа нашите репрезентативци Илија Несторовски и Александар
Трајковски сериозно да подразмислат што понатаму за својата иднина, особено
голем е интересот за Несторовски.
Медиумите во
Италија пред неколку денови пренесоа дека Несторовски кариерата ќе ја продолжи
со Удинезе, кој наводно излегол како победник во трката за капитенот на
Сицилијанците, но, веројатно нема ништо од тоа.
„Удинезе го
блокираше трансферот на Илија Несторовски од Палермо, чиј трансфер е предмет за
регистрацијата на Палермо во Серија Б, во Фриули би требало да пристигне Папа
Гаје на позајмица од Ватфорд“ пренесе денес „Кориере дело Спорт“.