Николов: Одиме на добар резултат против Романија, и реми нема да биде лошо

Македонија утре со меч против Романија го почнува настапот во квалификациите за СП 2022. На денешната прес-конференција се појави Бобан Николов кој најдобро ја познава Романија. Тој беше дел од младинската школа на Академија Хаџи, а негов прв сениорски клуб беше Виторул.

„Се радувам што ќе играме против Романија, ќе имам можност да играм против некои мои поранешни противници. Се надевам дека ќе дојдеме до добар резултат, па и реми не би било лошо со оглед на тоа што Романија е фаворит пред почетокот на натпреварот“, вели Николов.

„Среќен сум што Букурешт ќе ни биде наш дом за ЕП, тука имам многу пријатели и знам дека летото ќе ни дадат голема поддршка“.

Фото: Игор Паневски – ФФМ