Сезоната во Ла
Лига треба да продолжи оваа недела, па од фудбалерите се бара да се придржуваат до строги протоколи. Лука Јовиќ синоќа
реши да заборави на препораките за заштита и социјална дистанца, ја распали скарата и ги
повика пријателите во својот дом на дружба.
Но напаѓачот на
Реал Мадрид не е единствениот кои западна во проблеми, неговата девојка Софија
издаде уште двајца српски фудбалери. Благодарејќи на видеата и сликите кои таа
ги објавувала на социјалните мрежи, медиумите забележаа дека дел од дружбата
биле и Иван Шапоњиќ од Атлетико Мадрид и Немања Максимовиќ од Хетафе.
Петмина фудбалери
на Севиља пред некое време исто така креираа контроверзија откако се дружеа, но
медиумите од Шпанија пренесуваат дека ова е многу посериозен случај бидејќи се
работи за фудбалери од три различни клубови и тоа на само неколку дена пред ре-стартот
на сезоната.
Се шпекулира дека
сите тројца можат да бидат казнети, и тоа не само од своите клубови, туку и од
Ла Лига.