Критиките кон Пол Погба веќе некое време пристигнуваат од сите страни, а особено се зголемија по мечот со Арсенал во кој направи прекршок за пенал по кој Манчестер јунајтед го загуби мечот.
Франк Лебеф смета дека Погба не заслужува да игра во стартниот состав на Јунајтед.
„Не знам дали воопшто може да се објасни формата на Манчестер јунајтед. Победата против Лајпциг беше случајна и среќна“, вели Лебеф.
„Она што го гледаме во Премиерлигата не е доволно добро за Манчестер јунајтед. Нивото е драматично паднато“.
„Беше многу чудно да се види дијамант средниот ред бидејќи Оле сакаше да го игра Погба во средината, што очигледно беше проблем бидејќи му ја смени позицијата во вториот дел ставајќи го речиси на лево крило“.
„Тој не знае што да прави со Погба. Солшер треба да размисли за неговата позиција, можеби најдобрата позиција за Погба во моментов е клупата за резерви“.