Жозе Мурињо вели дека скапото засилување Фред, кое Манчестер јунајтед го
чинеше 52 милиони фунти во изминатиот летен преоден рок, би можел да има уште
подобри перформанси, но за тоа е потребна многу ‘посилна дефанзивна линија’, како што вели Португалецот.
Викендов во редовното коло од Премиерлигата, Манчестер јунајтед на домашен
терен го пречекува Фулам, а за време на денешната пресконференција во пресрет
на утрешниот дуел на домашен терен, Мурињо говореше и за Фред.
„Чекор по чекор, имате можност да проследите многу фудбалери од други
клубови на кои им беше потребно време, некои од нив играа дури и помалку од
Фред“ рече Мурињо.
„Мислам дека Фред, кога тимот во дефанзивната линија ќе биде посилен, и
нема да има потреба од некаков баланс кој ќе го одржува токму средниот ред, ќе
имаме можност да проследиме повеќе инволвираност од него во креативноста и
динамиката во нападите, денот кога ќе имаме посилна дефанзивната линија,
сигурно можностите за Фред ќе бидат целосно отворени“ заклучи Мурињо.