Мурињо: Играм за Мурињистите насекаде во светот

Жозе Мурињо е тренер за кој вообичаено не си рамнодушен, или го сакаш или го мразиш. Тој вели дека има многу фанови и игра за нив.

„Да бидам искрен, силата ја добивам од себеси, но пред се од луѓето кои ги сакам и луѓето кои знам дека ме сакаат, иако многу од нив не ги ни знам“, вели Мурињо.

„Никогаш не сум ги запознал нив. Ги викам Мурињисти бидејќи во Португалија тоа „исти“ го додаваме на крајот од името на клубот за да ја искажеме љубовта кон него. Пример, ако сте за Порто, велите Портиста, доколку сте за Бенфика, велите Бенфикиста. И доколку сте за Мурињо, велите дека сте Мурињиста. И имам многу Мурињисти околу светот и јас играм за нив“.