Мотив плус: Тотнем можен противник на Шкендија, Галатасарај на Ренова, Легија на Силекс

Жозе Мурињо
повторно може да гостува во Македонија, овој пат со Тотнем. „Спарси“ се можни
противници на Шкендија во третото коло од Лига Европа.

Доколку
„црвено-црните“ од Тетово слават на гостувањето кај Ботошани, а Тотнем не
киксне кај Локомотив Пловдив, Шкендија ќе го пречека гигантот од Северен Лондон
на 24. септември.

Атрактивен противник
доби и Ренова, односно
потенцијално гостување кај турскиот великан Галатасарај. Доколку „гипсарите“ испаднат
како подобри од Хајдук, а „жолто-црвените“ слават кај Нефчи, тогаш Ренова ќе
гостува во Истанбул.

Силекс исто така
доби силен противник, доколку ја помине Дрита, ќе гостува во Полска кај Легија.