Поранешната
ѕвезда на Реал Мадрид, Фернандо Мориентес тврди дека оваа сезона е клучна за
иднината на Еден Азар во тој клуб, а тој додаде дека чекањето за Белгиецот да
покаже што знае и умее нема да биде долго.
„Реал Мадрид е
клуб кој прикажува доста трпение со фудбалери како Азар“ рече Мориентес, кој
има освоено три титули со „Кралевите“ во Лигата на шампионите.
„Ние сите знаеме
колку Азар е добар фудбалер, но повеќе од веројатно е дека ќе дојде моментот
кога Реал Мадрид ќе мора да донесе одлука за него“ додаде тој.
„Ова ќе биде
одлучувачка година, тоа што ќе се случува во периодот кој претстои ќе биде
клучно за него, тој ќе мора да демонстрира што знае и умее“ нагласи поранешниот
легендарен шпански напаѓач.
„Клубот чекаше
две години за тој да се искачи на максималното ниво, ова е годината кога
клубот, навивачите и неговите соиграчи го очекуваат најдоброто од Азар, но тој не
ја почна сезоната на најдобар начин, можно е Реал Мадрид да донесе конечна
одлука да не чека повеќе“ заклучи Мориентес.