Фудбалерите на Милан триумфираа над Монца со 2-0 во последното коло од Серија А, со што официјално ја затворија сезоната во која ги разочараа навивачите/
Натпреварот немаше резултатско значење „росонерите“ уште претходно ги загубија шансите за излез во Европа, додека Монца веќе одамна ја загуби битката за опстанок и се сели во Серија Б. Двата гола за победа Милан ги постигна во второто полувреме преку Габија и Феликс.
Особено впечатлив беше голот на Португалецот од слободен удар, кој можеби беше и негов последен настап во дресот на Милан, со оглед на шпекулациите за негово заминување ова лето.
WHAT A GOAL JOAO FELIX pic.twitter.com/6jxf2LsKk6
— Ed 🇮🇹 (Fan) (@TheMarescaEra) May 24, 2025
„Росонерите“ сезоната ја завршуваат со 18 победи, девет ремија и 11 порази, освојувајќи 63 бодa. Со овој резултат привремено се искачија на седмото место, но нивната конечна позиција ќе зависи од исходот на утрешниот дуел меѓу Фиорентина и Удинезе. Доколку „виолетовите“ слават, Милан ќе падне на осмата позиција.
Фото: AC Milan/X