Меси ќе игра заедно со Рамос?

ПСЖ се споменува како главен фаворит во трката по Лионел Меси откако синоќа беше соопштено дека Барселона не е во можност да го задржи.

Доколку ПСЖ успее да стигне до потписот на Меси интересен момент ќе биде фактот што Аргентинецот ќе игра заедно со својот довчерашен ривал, Серхио Рамос.

Поранешниот капитен на Реал Мадрид во ПСЖ дојде како слободен играч, а истото може да го направи и Меси.

Но ако Меси замине во ПСЖ таму нема да има само поранешни „непријатели“, во францускиот клуб е Нејмар со кој Аргентинецот е голем пријател.