Манчестер јунајтед изгледа го договорил своето прво летно засилување и тоа бразилскиот напаѓач Матес Куња (25) кој според информациите на Фабрицио Романо ќе го облече дресот на „црвените ѓаволи“.
Наводно, Куња веќе ја прифатил понудата и преостануваат уште неколку административни детали пред трансферот да се официјализира. Се очекува Бразилецот да се приклучи на Јунајтед веднаш по отворањето на летниот преоден рок.
Куња моментално настапува за Вулверхемптон и сезонава блеска во дресот на „волците“ каде што постигна 15 голови во Премиер лигата и уште два во ФА Купот. Манчестер Јунајтед ќе ја активира откупната клаузула од 74 милиони евра, која е наведена во неговиот договор со Вулвс.
🚨 EXCL: Manchester United are now closing in on Matheus Cunha deal! 💣
— Fabrizio Romano (@FabrizioRomano) May 19, 2025
The Brazilian has accepted the project as agreement on personal terms is now being finalised, almost done.
Final details to sort between all parties involved… and then, here we go. 🇧🇷 pic.twitter.com/4UKlMe3ipj
Во текот на кариерата, Куња играше и за швајцарскиот Сион, германските РБ Лајпциг и Херта, како и за шпанскиот Атлетико Мадрид. Има 13 настапи за репрезентацијата на Бразил.
Манчестер Јунајтед претходно беше поврзуван со други офанзивци како Виктор Ѓокереш и крилниот напаѓач Рајан Шерки, па останува да се види дали нивното доаѓање ќе биде ставено во втор план или „ѓаволите“ ќе побараат и уште едно засилување во нападот.