Тухел почна со дефанзивна тактика, со тројца дефанзивни играчи во средниот ред и само двајца офанзивци, Манчестер Сити беше тимот кој се обидуваше да го отвори резултатот, но во првиот дел немаше шанси за гол.
Мечот беше отворен во 53. минута кога Габриел Жесус шутираше, топката го удри Жоржињо, го промени правецот и влезе во мрежата на Менди за водство на Сити од 1-0.
Во продолжението Челси се отвори обидувајќи се да дојде до израмнување, но Манчестер Сити беше поблиску до втор гол отколку тие до својот прв.
Џек Грилиш пропушти две убави шанси за погодок, еднаш не реализираше Габриел Жесус, Тијаго Силва ја исфрли топката од гол линија.
На крајот ова беше заслужена победа на Манчестер Сити со која се искачија пред Челси на табелата со ист број на бодови но подобра гол разлика. За Челси ова беше прв пораз оваа сезона.