Манчестер јунајтед ќе биде без една од своите најголеми ѕвезди против Ливерпул?

Во недела Манчестер јунајтед го пречекува Ливерпул на Олд Трафорд во големото дерби од Премиерлигата, а неизвесен за овој меч е Бруно Фернандеш

27-годишниот фудбалер заработи удар за време на мечот од Лигата на шампионите против Аталанта.

Солшер не е сигурен дали ќе може да смета на него.

„Се уште е петок, натпреварот е во недела, на сите ќе им дадеме време. Можеби ќе го имаме цел состав на располагање, а можеби ќе бидеме без двајца-тројца. На денешниот тренинг ги немавме сите фудбалери, ќе видиме како ќе биде во недела“, вели Солшер.

„Да, Бруно Фернандеш е меѓу оние кои што се неизвесни. Тој прави се што може за да биде подготвен за натпреварот“.