И покрај тоа што има одличен состав, Манчестер јунајтед изгледа како просечен тим оваа сезона, само благодарение на Кристијано Роналдо остана во игра во Лигата на шампионите, а во Премиерлигата неколку пати беше надигран од противниците и загугби многу бодови досега.
Впечаток е дека Солшер колку и да добива шанса не може да го извади најдоброто од тимот, а тоа го препознаваат фудбалерите.
Бруно Фернандеш разочаран го напушти натпреварот против Сити поради тоа што не добива конкретни тактички насоки од Оле.
Кристијано Роналдо бил шокиран од нивот на кое е паднат Манчестер јунајтед. А дел од фудбалерите го сожалуваат Ван де Бек за бруталниот однос кој кон него го има Солшер.
Со фактот што раководството на клубот му го продолжи животот на Солшер на клупата, го загуби Антонио Конте, па сега опциите за нов стратег се помали.
„Гардијан“ верува дека Солшер ќе биде тренер на Маннчестер јунајтед и по репрезентативната пауза кога на 20. ноември играат со Ватфорд.