Лајпциг тргна фуриозно, поведе со гол на Анхелино уште во втората минута од натпреварот, а во 13. Хаидара зголеми на 2-0.
По половина час игра Лајпциг даде и трет гол, но погодокот на Орбан беше поништен од ВАР поради офсајд.
Во 69. минута лоша реакција на одбраната на Манчестер јунајтед, тоа го искористи Клајверт кој погоди за 3-0.
Десетина минути подоцна пенал за Манчестер јунајтед, Бруно Фернандеш постигна гол од белата точка и намали на 3-1.
Само две минути подоцна Погба постигна гол намали на 3-2 за драматичен крај на мечот, на Манчестер јунајтед му требаше уште еден гол за да остане во Лигата на шампионите.
Но Лајпциг успеа да го приведе натпреварот до крај и да не дозволи Манчестер јунајтед да постигне уште еден гол и со сензационално враќање да ги елиминира.
Мечот меѓу ПСЖ и Башакшехир беше прекинат поради навреда на расистичка основа од страна на четвртиот судија, но како и да биде одлучено да заврши тој меч, нема ништо да му смени на Манчестер јунајтед.
Тимот на Оле Гунар Солшер ќе продолжи во Лига Европа, Башакшехир е комплетно елиминиран.