По победите против Казахстан и Фарските Острови, како фаворит влеговме во пресметката против Израел, но не успеавме да победиме, бевме пред пораз, но благодарение на убав гол на Атанасов од слободен удар во самиот финиш дојдовме до реми.
Израел беше подобар противник, иако во голем дел од мечот играше на контра напади поради водството кое го имаше. Гостите создадоа повеќе шанси, но ние го имавме расположениот Ристе Јанков.
Израел поведе во 21. минута кога Елиас постигна гол по една грешка на нашата одбрана.
Тие имаа и шанса од пенал во 56. минута, но Јанков го одбрани ударот на Алмог.
Кога се очекуваше дека ќе биде крај, Јани Атанасов постигна убав гол од слободен удар во 95. минута за реми 1-1.
Со овој резултат останавме на второто место на табелата, но ги губиме шансите на крајот да бидеме меѓу најдобрите пет второпласирани кои ќе одат на Европското првенство.
Фото: ФФМ – Петр Стојановски