Арсенал со убедливи 3-0 го победи Реал Мадрид во првиот четвртфинален натпревар од Лигата на шампионите, два од трите погодоци беа мајстории на Деклан Рајс од слободен удар.
Арсенал го надигра и го победи Реал Мадрид, па на Бернабеу ќе истрча со три гола предност.
Работата е далеку од завршена бидејќи на спротивната страна е Реал Мадрид, но ова е голема предност за Арсенал.
Натпреварот беше отворен кога Деклан Рајс погоди од слободен удар во 58. минута. Топката го заобиколи живиот ѕид и заврши во мрежата на Куртоа за водство на Арсенал од 1-0.
Во 70. минута се случи ново ремек-дело на Рајс, овојпат во стилот на Дејвид Бекам погоди за предност на топчиите од 2-0.
Пет минути подоцна гол даде и Мерино за конечни 3-0 за Арсенал.
Во судиското продолжение Камавинга доби втор жолт картон, па Реал Мадрид мечот го заврши со фудбалер помалку.
Меч од соништата за Деклан Рајс и за Арсенал, сега Реал Мадрид е на ред да покаже дали може да се извади и од оваа голема негатива.