Еспањол и Барселона одиграа возбудлив меч, полн со тензија, беа доделени и црвени картони, немаше победник меѓу градските ривали.
Еспањол на овој меч влезе во катастрофална форма, имаше едно реми и четири порази на последните пет меча, но против Барса мотивацијата секогаш е поголема.
Барселона имаше фантастично отварање на мечот, Педри постигна гол уште во втората минута за водство од 1-0.
Но на пет минути пред крајот на првото полувреме Дардер го изедначи резултатот на 1-1.
Во 64. минута се случи комплетен пресврт, Де Томас постигна гол за водство на Еспањол од 2-1.
Се чинеше дека Еспањол ќе дојде до триумф, во финишот имаше повеќе тензија од фудбал. Во 92. минута судијата покажа два црвени картони, Пике беше исклучен кај Барса, Меламед кај Еспањол.
И кога се очекуваше крај, Адама Траоре упати еден одличен центаршут, Лук де Јонг погоди со глава и донесе реми за Барселона, 2-2 беше конечниот резултат.