Левандовски го однесе Баерн во финалето од Купот на Германија (ВИДЕО)

Баерн Минхен влезе како голем фаворит во мечот против Ајнтрахт Франкфурт но се испоти за да дојде до потребниот триумф.

Левандовски на почетокот од мечот имаше нестварно промашување кога не реализираше иако пред него имаше празен гол.

Но, Баварците поведоа со гол на Перишиќ во 14. минута од натпреварот.

Во вториот дел Ајнтрахт заигра подобро и со гол на нововлезениот Да Коста во 69. минута дојде до израмнување на 1-1.

Сепак само пет минути подоцна Левандовски постигнува гол кој значеше победа на Баерн Минхен од 2-1.

Во финалето од купот ќе играат против Баер Леверкузен кој синоќа со 3-0 беше подобар од Сарбрикен.