Лестер убедливо го победи Лидс, десет минути за Алиоски (ВИДЕО)

Лестер ја покажа добрата форма и на гостувањето кај Лидс, ги освои трите бода и се искачи на второто место во Премиерлигата.

Гостите поведоа уште во втората минута по една голема грешка на одбраната на Лидс, Варди асистираше до Барнс кој погоди за 1-0. Само 20 минути подоцна Тилемас зголеми на 2-0.

По три минути игра во второто полувреме Далас постигна гол и го врати Лидс во игра, но во 76. минута Варди погоди за 3-1 и ги реши дилемите околу победникот.

Во судиското продолжение Лестер доби и пенал, а Тилеманс погоди од белата точка за конечни 4-1.

Македонскиот репрезентативец, Езгјан Алиоски во игра влезе во 81. минута од мечот.