170
Бубакару Сумаре е
второто летно засилување за Лестер во пресрет на новата сезона, а 22 годишниот
фудбалер од средниот ред пристигнува од францускиот првак Лил, каде изминатата
сезона на 32 меча постигна и еден гол.
Младиот Французин
потпиша договор со Лестер со важност до 2026 година, а неговиот трансфер на
Островот изнесува 23 милиони фунти.
„Среќен сум, но и
горд што пристигнав во еден ваков голем клуб од Премиерлигата како Лестер“ рече
Сумаре.
„Чувствувам дека
ова е вистински потег за мене и мојата кариера, Лестер е доста амбициозен клуб,
кога ми ги претставија плановите, и тоа што го побараа од мене, знаев дека ова
е клубот кој го посакувам за мојата иднина“ додаде тој.