Тренерот на
„каталонците“, Роналд Куман разговараше со Барса ТВ на различни теми, една од нив
беше Лео Меси, кој прифати двојно помала плата за да остане на Камп Ноу.
„Меси е клучен за
нашата игра, тој е нашиот капитен, пример за сите други. И покрај тоа што
минатата сезона имаше комплициран старт поради работите кои му се случуваа, имаше
прилично ефикасна сезона, уште еднаш покажа дека е најдобар во светот“ – вели Холанѓанецот.
„Триумфот на Копа
Америка е од огромна важност, знам колку многу го посакуваше трофејот по долги
години без успех со националниот тим. Тој е навикнат да освојува титули, и
конечно го доби она за кое се бореше“.
„По одличната
сезона во дресот на Барселона и триумфот на Копа Америка, тој е главен кандидат
за „Златната топка“. Според мене, тој е прв фаворит за оваа престижна
индивидуална награда“.