Наполи со пресврт
стигна до победа од 1-2 на гостувањето
во Фиренца и го задржа перфектниот учинок во Серија А. Дел од домашните
навивачи биле разочарани што нивните миленици загубиле, па дел од фрустрациите
по крајот на натпреварот ги искажале со расистички навреди кон Калиду Кулибали,
Замбо Ангиса и Виктор Осимен.
И додека
последниве двајца одговориле на провокациите со насмевка, дефанзивецот ги
загбил нервите. Како што пренесуваат медиумите од Италија, Калиду Кулибали упатил порака до мала група фанови на трибините, „Ако сте мажи, дојдете и во лице кажете ми дека сум мајмун!“.
Сите тројца
фудбалери се огласија на социјалните мрежи да изразот негодување поради расистичките
навреди. Од таборот на Фиорентина веднаш им се извинија на Кулибали, Ангиса и
Осимен, а извинување испрати и градоначалникот на Фиренца.
Фудбалската федерација
на Италија исто така отвори предмет, а и полицијата ќе спроведе истрага.