Тотнем предводен од Антонио Конте тргна фуриозно против Витесе, немаше ни половина час од играта а веќе водеа со 3-0.
Сон во 15. минута погоди за 1-0, седум минути подоцна Лукас зголеми на 2-0, а во 28. минута Расмусен си постигна автогол за 3-0.
Но Тотнем тука закочи, Расмунсен брзо се искупи за автоголот, даде погодок во вистинската мрежа во 32. минута, а Беро во 39. намали на 3-2.
Витесе имше шанси да се спаси од пораз, но не успеа, на крајот бодовите ги освои Тотнем.
Малку фалеше Рома да доживее уште еден срам, иако и ремито против Бодо/Глимт е лош резултат.
Во судиското продолжение од првото полувреме Бодо/Глимт преку Солбакен дојде во водство, но по девет минути игра во вториот дел Ел Шарави израмни.
Рома атакуваше кон победа, но им се случи нов шок, Ботеим со глава погоди за ново водство на норвешкиот тим, сепак на шест минути до крајот Ибанез реализираше за конечни 2-2.