Поранешниот
италијански напаѓач Антонио Касано вели дека воопшто не ја разбира играта на
Јувентус, коментирајќи ја победата од 2-3 на „Старата дама“ кај Специја со што
избраниците на Масимилијано Алегри ја запишаа првата победа сезонава во „Серија
А“.
„Јувентус не беше
на своето ниво, Специја ги стави под сериозен притисок, доколку погодеа за 3-1,
во тој случај ќе ставеа точка на тој меч, а тие се екипа која вреди 50 пати
помалку во споредба со тој на Алегри“ рече Касано.
„Тие ги постигнаа
погодоците благодарение на двајца или тројца фудбалери кои Алегри не ги гледа,
а продолжува со проблемите, ми дава впечаток дека е во конфузија“ додаде
Италијанецот.
„Не ја разбирам
воопшто играта на Јувентус, сево ова ме загрижува, тие победија, но ќе имаат
проблеми за да бидат во топ четирите екипи доколку продолжат на ваков начин,
немаат никаква идеја, пасија, немаат ниту карактер, делуваат на тим кој е во
конфузија, вистински неред се случува кај нив“ подвлече Касано.