Капело: Му кажав на Алегри да не се враќа во Јувентус

Јувентус веќе има четири порази оваа сезона во Серија А, на последните два дуели загуби од Сасуоло и Верона, па веќе почна да се тресе столчето на Алегри.

Капело вели дека проблемот не е во тренерот и тој предвидел што може да му се случи на Алегри и му кажал, но очигледно Масимо не му го послушал советот.

„Му реков дека ќе стане жртвено јагне за сите проблеми кои ги имаат“, открива Капело што му рекол на Алегри.

„Му реков да не се враќа. Јувентус има победничка ДНК, но во моментов тоа не може да се види“.

„Фудбалерите не го прават тоа што треба да го прават. Сите мислат дека тоа е грешка на тренерот, но не е така, тешко е да се сврти ситуацијата“.