Капело: Интер го освои Скудетото

Интер има девет бода предност на врвот во Серија А, Капело е сигурен дека тимот на Конте не може да ја прокоцка.

„Со недели велам дека Интер е шампион. Тоа го велам откога Милан загуби од Специја, денес уште еднаш само го потврдувам. Интер е шампион“, вели Капело.

„Треба да му честитаме на Конте. Тој е интелегентен тренер. Според мене Јувентус има покомплетен тим од Интер. Но на Конте му помогна тоа што уште една година остана и подобро го научи својот состав“.