Како што и се очекуваше натпреварот меѓу Атлетико Мадрид и Јувентус беше тврд во најголемиот тек.
Првата шанса ја имаше Кристијано Роналдо кој биеше од голема далечина од слободен удар, топката со голема брзина одеше под пречката, но Облак со фантастична интервенција спречи гол.
Судијата покажа на белата точка за Атлетико Мадрид, но благодарение на ВАР одлуката беше променета, домаќините добија слободен удар од кој Гризман биеше но Шчесни одбрани.
Во вториот дел Атлетико Мадрид имаше две големи шанси, најпрво Диего Коста излезе сам пред голот на Шчесни но биеше крај него, а потоа Гризман ја погоди пречката.
Следуваше гол на Алваро Мората кој беше поништен по консултација со ВАР, беше досуден фаул врз Киелини, оправдана одлука.
Но неколку минути подоцна конечно регуларен гол, Хименез најдобро се снајде во шеснаесетникот на Јуве и погоди за водство на Атлетико од 1-0.
Пет минути подоцна и вториот стопер на Атлетико Мадрид даде гол, Диего Годин ја затресе мрежата на Јуве за конечни 2-0. Голем триумф за шпанскиот тим.
Супер интересно беше во Гелзенкирхен каде Манчестер Сити со 3-2 го победи Шалке.
Сити почна одлично, поведе со гол на Агуеро по голема грешка на одбраната на Шалке. Но во продолжението со два гола од пенал на Бенталеб Германците направија комплетен пресврт и поведоа со 2-1.
Во 68. минута Отаменди доби втор жолт картон, ситуацијата за Манчестер Сити изгледаше посложена.
Но и покрај тоа што имаа играч помалку, Манчестер Сити победи, со голови на Сане и Стерлинг дојдоа до тримуф од 3-2 и ја оправдаа фаворитската улога.