Јуриќ: Го доминиравме Милан на Сан Сиро

Торино се покажа во одлично издание против Милан кој благодарение на гол на Жиру дојде до трите бода.

„Момците во долги периоди доминираа на Сан Сиро. Имаме ограничувања и делови каде треба да се подобриме, но знам од каде почнавме и како играше овој тим минатата сезона“, вели Јуриќ.

„Веројатно ни фали малку лудило на моменти, таа искра да креираме нешто. Останува фактот дека Милан едвај имаше шут на голот, постигнаа гол од единствениот обид“.

„Ова беше нашиот најдобар перформанс оваа сезона и се надевам дека среќата ќе се сврти и на наша страна, бидејќи во последно време ја немаме“.