Тренерот на Интер, Симоне Инзаги смета дека неговиот тим заслужил да го добие дербито.
„Чашата е половина празна бидејќи имавме многу шанси и промашивме пенала, па според мене заслуживме повеќе од Милан“, вели Симоне Инзаги.
„Игравме против тим кој заслужено е на врвот на табелата, ние сме зад нив во однос на прогрес, но има време да се вратиме на патот и перформанси како овој денеска ни даваат самодоверба“.
„Во изминатите шест меча, одигравме нерешено со Јувентус и Милан, а веројатно заслуживме да ги победиме и двата дуели. Милан и Наполи држат неверојатно темпо, но има уште многу да се игра“.
Чалханоглу постигна гол од пенал, но Интер доби и втор пенал кој го промаши Лаутаро Мартинез, Интер објаснува зошто имале различни изведувачи.
„Наши шутирачи на пенали се Лаутаро Мартинез и Чалханоглу, а може да шутира и Иван Перишиќ. Хакан побара тој да го шутира првиот, а Лаутаро го изведе вториот. Оставаме меѓу нив да одлучат кој ќе шутира“.