„Имате пари за Халанд, а немате за Дембеле“

Последниот состанок на претставниците на Дембеле и Барселона поминал тензично, двете страни не се договориле.

Барселона не сакала да ги исполни барањата на Дембеле сметајќи дека тие се превисоки и во моментов не можат да си ги дозволат сумите кои ги бара Французинот.

Паралелно има шпекулации дека Барселона се интересира за ангажман на Ерлинг Халанд.

Па според каталонскиот новинар, Алберт Роже, од таборот на Дембеле во еден момент им рекле на претставниците на Барселона: „Немате пари за Дембеле, но сакате да го купите Халанд“.