Денеска на емотивна прес-конференција, Кун Агуеро се збогува со Барселона и со фудбалот. Аргентинецот поради проблеми со срцето ја завршува кариерата на 33-годишна возраст.
Агуеро во својата кариера настапуваше за двата најголеми ривали на Реал Мадрид од Шпанија, Барселона и Атлетико Мадрид, но кралскиот клуб и покрај тоа испрати порака со убави желби за Аргентинецот.
„Беше чест да се натпреваруваме против фудбалер како што беше ти Агуеро, еден од најдобрите играчи во светот. Многу среќа за тебе и за твојата фамилија“, гласи пораката на Реал Мадрид.
Fue un honor competir frente a un jugador como tú, @aguerosergiokun, uno de los mejores jugadores del mundo. Mucha suerte para ti y para tu familia.
— Real Madrid C.F. (@realmadrid) December 15, 2021