Веќе нема дилеми околу иднината на Давиде Фратези. Интер и Лацио постигнаа договор за трансферот на италијанскиот фудбалер, кој во новата сезона ќе го носи дресот на римскиот клуб.
Фратези во Лацио ќе пристигне на едногодишна позајмица, за која римјаните ќе платат еден милион евра. Во договорот е вклучена и опција за откуп, па Лацио по завршувањето на сезоната ќе може да го откупи фудбалерот за дополнителни 14 милиони евра.
Исто така, доколку Лацио го откупи Фратези, „нераѕурите“ ќе задржат и 50 проценти од неговиот следен трансфер.
Фратези во Интер пристигна за вкупна сума од 31 милион евра. Прво беше донесен на позајмица за пет милиони евра, а во 2024 година клубот плати уште 26 милиони за да го откупи неговиот договор од Сасуоло.
🚨🔵⚪️ Lazio agree deal to sign Davide Frattesi from Inter, here we go! 🦅
— Fabrizio Romano (@FabrizioRomano) August 13, 2026
Italian midfielder set to join on €1m loan and €14m buy option clause to become mandatory based on appearances or Lazio Serie A final position.
Inter also mantain 50% sell-on clause. 🇮🇹 pic.twitter.com/ANKwxL8Hkb
За три сезони во Милано, Фратези одигра 122 натпревари и постигна 15 гола, а најмногу ќе се памети по голот во реваншот од полуфиналето во Лигата на шампионите против Барселона во сезоната 2024/2025. Тогаш погоди во 99. минута за конечни 4-3 за Интер и место во финалето.