Фудбалерите на Барселона организирале заедничка вечера во пресрет на Ел Класико

Барселона игра променливо оваа сезона, но победите над Валенсија и Динамо Киев доаѓаат во вистински момент, пред дуелот со Реал Мадрид.

Според каталонскиот медиум „Спорт“, Роналд Куман за денеска на фудбалерите им дал слободен ден, а тие заедно се договориле како да го искористат.

Сите фудбалери на Барселона вечерва ќе седнат на заедничка вечера во центарот на градот. Ова дружење треба да помогне дополнително да се зголеми сплотеноста меѓу играчите пред дуелот со Реал Мадрид.

Натпреварот меѓу Барелона и Реал Мадрид се игра во недела со почеток од 16:15 часот.