ФФМ се пофали со нова „Пума“ топка за финалето на Купот и новата сезона!

Финалето од Купот на Македонија меѓу Вардар и Струга ќе донесе новитет и натпреварот ќе се игра со нова официјална топка од „Пума“.

Фудбалската федерација на Македонија информираше дека токму оваа топка ќе биде официјална не само за големото финале, туку и за целата наредна сезона во Првата македонска фудбалска лига.

До оваа промена доаѓа благодарение на претседателот на ФФМ, Масар Омерагиќ, како дел од новините што ги воведува новото раководство во федерацијата.