ФФМ и МВР поради безбедносни причини пак го преместија баражот за последното место во ПМФЛ!

Во координација со Министерството за внатрешни работи, Фудбалската федерација на Македонија (ФФМ) ја промени локацијата на бараж натпреварот меѓу Беса 1976 и Башкими 1947 за влез во Првата лига.

Наместо на првично предвидената локација и теренот на „Чаир“, дуелот ќе се игра во Кавадарци, на „Градскиот стадион“ во недела (25 мај) со почеток од 17:00 часот.

Од ФФМ информираат дека ваквата одлука е донесена по итен состанок со претставници на МВР, со цел натпреварот да се организира во најдобри безбедносни услови.

Федерацијата им се заблагодари на институциите за соработката и ги повика сите навивачи на фер и коректно однесување на трибините.