На Островот
наведоа дека првата ѕвезда на Манчестер јунајтед, Бруно Фернандеш јасно им
ставил дознаење на своите соиграчи во соблекувалната дека мораат да бидат
повеќе немилосрдни на теренот, а тоа доаѓа по тешко извојуваната победа на свој
терен од 2-1 со пресврт против Брајтон.
„По неколку меча
и слаб старт, никој не велеше дека Манчестер јунајтед ќе биде на оваа позиција
на табелата, меѓутоа ние ги игнориравме сите коментари кои луѓето ги зборуваа
за нас, знаевме што си велевме помеѓу себе тој период, имавме самодоверба дека
можеме да направиме пресврт на сите случувања“ изјави Фернандеш кој додаде дека
„Црвените ѓаволи“ не смеат да си дозволат да „фрлаат“ бодови.
„Сепак, мораме да
победуваме на повеќе натпревари, не смееме да си дозволуваме да фрламе бодови
како што тоа често знаеме да го сториме, особено на домашен терен, но втори сме
на табелата, а на стартот од сезоната не постоеа многу луѓе кои можеа да го
предвидат тоа“ додаде Португалецот кој не крие дека во тимот сите мисли се кон
освојување на трофеи и враќање на клубот на старите победнички патеки.
„Не можеме да
мислиме на ништо друго освен на трофеите, клубот е создаден за да освојува
трофеи, сите мисли ни се во таа цел“ заклучи Фернандеш.