Две одлучувачки недели за Мурињо и Рома

Мурињо има одличен старт во Рома, но волчицата допрва треба да ги игра големите дерби натпревари, а дел од нив доаѓаат наеднаш.

Во недела, во првото коло по репрезентативната пауза, Рома му гостува на Јувентус. Потоа имаат меч од Конференциската лига, гостување кај Бодо/Глимт, таму Португалецот може да одмори некои од своите играчи.

На 24. октомври, ново дерби, Рома ја пречекува екипата на Наполи, а седум дена подоцна на Олимпико пристигнува Милан. Измеѓу овие две средби тимот на Мурињо гостува кај Каљари.

Тоа значи дека од 17. до 31. октомври, Рома ќе игра со Јувентус, Наполи и Милан. Во зависност од резултатите на овие три меча ќе се има подобар увид дали овој тим на Мурињо може да се бори за место во Лигата на шампионите.