Дортмунд го потврди заминувањето на Санчо во Јунајтед и ја откри точната сума за трансферот

Германскиот клуб потврди дека е постигнат договор меѓу сите три страни, двата клуба и фудбалерот. Дортмунд ја соопшти и сумата, се работи за трансфер од 85 милиони евра.

„Фудбалерот Џејдон Санчо е пред заминување од Борусија Дортмунд во Манчестер јунајтед. Двата клуба и фудбалерот постигнаа договор. Доколку трансферот се реализира, Манчестер јунајтед на Борусија Дортмунд ќе плати фиксна трансфер сума од 85 милиони евра“, стои во соопштението на германскиот клуб.