Добри вести за Барселона, Кутињо сака да си оди

Поради високите плати кои им ги има дадено, Барселона мака мачи да се ослободи од играчите на кои не смета. Еден од таквите е и Кутињо.

Според весникот „Спорт“, Бразилецот конечно прифатил да биде продаден, сака да се пресели во важен тим каде ќе биде често на теренот и ќе се избори за повик во репрезентацијата на Бразил за Светското првенство.

Кутињо би сакал да се врати во Премиерлигата, интерес за него има од Тотнем, Арсенал и Њукасл.

Барселона се надева дека наскоро ќе пристигне понуда која ќе биде прифатлива за Бразилецот и со негова продажба ќе ослободи важен дел од средствата по што ќе може да ги регистрира новите засилувања, како што е Феран Торес.