Карло Анчелоти пред последното Ел Класико во сезоната се осврна на шпекулациите дека Чаби Алонсо ќе го наследи на клупата на Реал Мадрид – иако не потврди заминување, остави простор за толкување.
Искусниот стратег не криеше колку го цени Алонсо и начинот на кој работи во Баер Леверкузен.
„Прочитав дека Чаби Алонсо треба да ме наследи. Искрено, тој си ја врши работата фантастично и верувам дека сите врати му се отворени. „Медениот месец“ со Реал никогаш нема да заврши, како и со Милан – тоа се клубови кои засекогаш ќе имаат место во моето срце. А што се однесува до моите најубави моменти тука – тоа се Лисабон, Париз и Лондон“, потсети Анчелоти на трите финалиња од Лигата на шампиони што ги освои со „кралевите“.
Повеќе од јасно – Анчелоти го подготвува теренот за нова ера на „Сантијаго Бернабеу“.