Мундо Депортиво најави „бомбазо“ во зимскиот
преоден рок и трансфер на векот.
Весникот објави дека
Кристијано Роналдо слушнал дека Барселона е во потрага на фудбалер кој редовно
ќе ги тресе противничките мрежи, па им се понудил на „каталонците“. ЦР7 со
помош на Жерард Пике стапил во контакт со Чави пред неколку дена, а денеска,
Жорж Мендеш му се јавил на Жоан Лапорта за да ги стокмат бројките. Агентот е
добар пријател со претседателот на Барса, па лесно ќе биде да се договорат.
МД вели дека
Кристијано Роналдо не е среќен во Манчестер јунајтед, не е убеден од методите
на Ралф Рангник, па затоа го побарал Жерард Пике, со кого делеше соблекувална
неколку години на Олд Трафорд, и се понудил на Барселона.
¡Cristiano Ronaldo se ofrece al Barça!
El portugués no está a gusto en Manchester y ha contactado con Xavi a través de Piqué, mientras Jorge Mendes ya negocia con Laportahttps://t.co/CeqL40yBcd pic.twitter.com/fnYuwYPZlt
— Mundo Deportivo (@mundodeportivo) December 28, 2021
Жерард Пике не
само што го поврзал со Чави, се погрижил и за престојот на Кристијано Роналдо
во Барселона, дефанзивецот му се јавил на Лео Меси и го замолил да му ја изнајми
неговата вила.
„Ако се грижи за
„Златните топки“ и вети дека нема да земе некоја, ќе му дозволам да живее таму“
– наводно одговорил зачудениот Лео Меси.
Последна пречка
за реализација на трансферот е Хавиер Тебас, првиот човек на Ла Лига никогаш не криел дека е „мадридиста“ и
нема да биде среќен што ќе го види Португалецот во дресот на Барселона. Па тој ќе
направи детална анализа за да види дали зделката ќе ги задоволи строгите
правила за финансиски фер-плеј.
Ако некој поверува во сето ова, Мундо Депортиво добрo си ја заврши работата, сторијата е само обичен мајтап за денот на шегата во Шпанија.