„Беше толку безопасен што го убеди Мурињо да го повлече од игра“

Напаѓачот на
италијанскиот прволигаш Рома, Тами Абрахам доби доста ниски оценки од
италијанските медиуми за својот настап против Милан во дербито изминатиов
викенд кое „Римската волчица“ на свој терен го загуби со 1-2.

Абрахам беше
повлече од игра во 62 минута од дербито, а „Кориере дело Спорт“ пишува дека бил
толку безопасен што го натерал Жозе Мурињо и на таков чекор.

„За прв пат Тами Абрахам
е заменет во една техничка замена“ напиша „Кориере дело Спорт“.

„Тој беше толку
безопасен што го убеди Мурињо да го замени“ додаде италијанскиот весник.

Тоа што
дополнително е проблем за младиот Англичанец е фактот што доби и свирежи од дел
од гледалиштето во Рим при излегувањето од теренот.