Карим Бензема
вели дека е отворен на идејата Ерлинг Халанд да се приклучи на редовите на Реал
Мадрид, и покрај фактот што обајцата играат на иста позиција.
Говорејќи во
пресрет на реваншот против Аталанта во Лигата на шампионите, францускиот
напаѓач најпрво се дистанцираше од таа тема, но потоа подвлече дека не би имал
никаков проблем со евентуалното доаѓање на Халанд во тимот на „Кралевите“.
„Не би сакал да
зборувам за фудбалери кои не се тука“ рече Бензема.
„Секој месец ние
зборуваме за луѓе кои не се тука, за фудбалери кои постигнуваат многу погодоци,
тој е доста активен на листата на стрелците за својот тим“ додаде Французинот.
„Доколку еден ден
тој има можност да дојде, нека дојде…“ подвлече Бензема кој беше запрашан и за можноста Кристијано Роналдо да се врати во Реал Мадрид.
„Со Кристијано
направивме многу работи тука, не знам како е тој во Јувентус, но тој секогаш со
мене се однесувал доста коректно, не знам дали би се вратил во Мадрид, ниту сум
тренер, ниту претседател на овој клуб“ заклучи Бензема.