Барселона е на чекор до ангажман на голманот Жоан Гарсија од Еспањол како прво засилување за сезоната 2025/26, но зделката може да им направи сериозни проблеми на „каталонците“ со оглед на тоа што Марк андре тер Штеген нема намера да го напушти клубот.
Жоан Гарсија имаше одлична сезона и со добрите партии на голот го привлече вниманието на многу клубови како Реал Мадрид, Барселона, Арсенал, Манчестер јунајтед и Њукасл.
Последните информации велат дека голманот навалува кон предлогот на „каталонците“ и во следните денови ќе одлучи за својата иднина.
Барселона можеби ќе издејствува голема победа на трансфер пазарот, но оваа зделка може да им направи и големи проблеми.
Војчех Шчесни веќе ја прифати понудата за продолжување на сезоната, а Марк андре тер Штеген нема намера да замине, Германецот планира да остане и да се бори за бројот 1 следната сезона.
ФОТО: X/RCD Espanyol