По трансферот на Нејмар во ПСЖ за рекордни 222 милиони евра, Барселона тргна по засилувања и го купи Осман Дембеле од Борусија Дортмунд за 105 милиони евра, плус уште додатни 40 милиони евра во бонуси.
Но „каталонците“ видоа малку аир од Французинот, честите повреди и проблемот со дисциплината придонесоа напаѓачот да не го прикажа својот огромен талент.
Во последно време често се пишува за негов трансфер, а денеска беше објавено дека Осман Дембеле размислува да го одработи во целост договорот со Барса и за беспари да замине во 2022.
Ваквата информација беше објавена од каталонските медиуми Мундо Депортиво и Спорт, двата весника посочуваат дека на играчот во неколку наврати му бил понуден нов договор, но тој го одбил предлогот. Му била понудена и можноста да се пресели во друг клуб, но ја одбил и оваа опција.
Па новиот претседател на Барса ќе треба да најде некакво решение за клубот да не остане со празни раце од инвестицијата вредна околу 130 милиони евра сосе бонуси.